Policia ka shoqëruar për ta marrë në pyetje shoferin e kazinosë ku punonte Joy, vajza nga Kenia e cila gjeti vdekjen disa javë pas dhunimit të saj në Tiranë, raporton gazetari i Panorama TV.
Mësohet se shoferi është shoqëruar në ambientet e Komisariatit nr. 1 të Policisë. Burimet thanë se po merret në pyetje shtetasi R.B. për dijeninë që mund të ketë me atë që ka ndodhur me Joy-n, vajzën keniane që vdiq në mënyrë të mistershme.
Mësohet se policia ka kryer dhe kontroll në banesën e shoferit të kazinosë, me urdhër të Prokurorisë.
Gazetari i “Panorama” bën me dije se policia po punon edhe për rimarrjen në pyetje të shtetases keniane Emily Mutua, me të cilën Joy jetonte në Tiranë.
Shfaq Komentet (0)